“Sea Breeze” istirahət mərkəzində “Jara-2017” Beynəlxalq Musiqi Festivalının ikinci gününün konserti start götürüb

Video

“Sea Breeze” istirahət mərkəzində “Jara-2017” Beynəlxalq Musiqi Festivalının ikinci gününün konserti start götürüb

“Sea Breeze” istirahət mərkəzində “Jara-2017” Beynəlxalq Musiqi Festivalının ikinci gününün konserti start götürüb
28/07/2017

İyulun 28-də “Sea Breeze” istirahət mərkəzində “Jara-2017” Beynəlxalq Musiqi Festivalının ikinci gününün konserti start götürüb. Konsertdən əvvəl müğənnilər qırmızı xalı üzərindən keçərək jurnalistlərin suallarını cavablandırıb, festivalın ilk günü ilə bağlı təəssüratlarını bölüşüblər.

Festivalın fəxri qonaqları sırasında Heydər Əliyev Fondunun vitse-prezidenti Leyla Əliyeva da olub.

Festivalın ikinci gününün SSRİ Xalq Artisti Sofiya Rotarunun yubileyinə həsr olunması “Jara”nın hərarətini daha da artırıb. Bakıya ən çox sevilən mahnıları ilə gələn ukraynalı müğənni tamaşaçıları Azərbaycan dilində salamlayıb və ilk olaraq məşhur “Çervona ruta” mahnısını oxuyub.

O, yubiley gecəsinin Bakıda, bu qonaqpərvər şəhərdə keçirilməsindən çox məmnun olduğunu bildirərək deyib ki, artıq səhnəyə çıxmasının 45 ili tamam olur. Yaşına gəldikdə isə, tamaşaçı alqışı ona yeni ruh verir.

Daha sonra Sofiya Rotaru bacısı Aureliya ilə birlikdə “Melanxoliye” mahnısını səsləndirib.

Polad Bülbüloğlu tamaşaçıları “Qorod moy Baku” mahnısı ilə salamlayaraq Sofiya Rotaruya yubileyi münasibətilə təbriklərini çatdırıb, festivalın müxtəlif xalqları bir araya gətirdiyini, musiqinin sərhəd tanımadığını vurğulayaraq, “Gəl, ey səhər” mahnısını ifa edib.

Sonra Qlyukoza Sofiya Rotarunun “Luna, luna” mahnısını oxuyub. Konsert proqramını Potap və Nastya, Nastya Zadorojnaya, Valeriya, Аlekseyev, Ani Lorak, Artik & Asti, Slava, “Vremya i Steklo”, İrina Dubtsova, Jasmin, Timur Rodrigez, MBAND qrupu, LOBODA, Lev Leşşenko davam etdiriblər. Çoxsaylı tamaşaçılara məşhur müğənninin repertuarından ən populyar hitlər və onunla birgə ifalar təqdim olunub.

Sofiya Rotaru yenidən səhnəyə qalxaraq sevilən mahnılarını səsləndirib və Qriqori Lepslə duet oxuyub.

Konsert proqramı Sofiya Rotaru və Eminin dueti ilə davam edib. Onlar ötən əsrin ən məşhur hitlərindən biri olan “Lavanda” mahnısını oxuyublar.

Yubiley tədbiri Sofiya Rotarunun Eminə həsr etdiyi “Tı samıy luçşiy” mahnısı və Azərbaycanı vəsf edən mahnı ilə yekunlaşıb.